Дундговь аймаг " Иргэний хөгжлийг дэмжих жил"-ийн хүрээнд 30 иргэнээ ОХУ-ын Буриад улсад аялуулахаар боллоо. Бүрэлдэхүүнд аймгийн ИТХ-ын төлөөлөгчид, төрийн албан хаагчид, багш, соёл, урлагийн ажилтнууд, эмч, ахмадын байгууллагын төлөөлөл зэрэг багтжээ. Төлөөлөгчид энэ сарын 23-27 өдрүүдэд тус улсад зочилж, Байгаль нуур-Итгэлт хамба-Улаан-Удэ маршрутаар аялана. Энэхүү арга хэмжээг аймгийн ИТХ санаачлан ЗДТГ болон Улаан удэ хот дахь Монгол Улсын консулын газар хамтран зохион байгуулж байна.