✍️Аймгийн ИТХ-ын даргын захирамжаар байгуулагдсан ажлын хэсэг Улсын төсвийн хөрөнгө оруулалт, аймгийн орон нутгийн хөгжлийн сан, хөрөнгө оруулалтаар хийгдэж буй бүтээн байгуулалтын ажил болон жижиг дунд үйлдвэрлэл, хүнс, хөдөө аж ахуйн чиглэлээр хэрэгжүүлж буй бодлогын хэрэгжилт, явцад хяналт хийж байна. ✍️Аймгийн ИТХ-аар баталсан тогтоол шийдвэрийг хэрэгжүүлэх, биелэлтэд хяналт тавих чиг үүргийн дагуу аймгийн ИТХ-ын төлөөлөгч нараар бүрдсэн ажлын хэсгийг байгуулсан. Төвийн бүсийн (Сайнцагаан) ажлын хэсгийг аймгийн ИТХ-ын дарга Ж.Мөнхчулуун ахалж, гишүүдээр аймгийн ИТХ-ын төлөөлөгч Ц.Хүрэлбаатар, П.Түвшин, Ж.Зоригтбаатар, Н.Ууганбат, И.Эрдэнэцог, С.Доржпүрэв, Х.Жаргал, Т.Урангоо, С.Доржбат, Т.Мөнхбаяр нарыг бүрэлдэхүүнтэй байгуулагдсан. ✍️Аймгийн төвд хийгдэж буй Төрийн нэг цэгийн үйлчилгээний төвийн барилга, Усан бассейн бүхий спорт цогцолборын барилга, Боловсрол шинжлэх ухааны газрын дээвэр, пасадны засвар,Мандалговь цэцэрлэгт хүрээлэнгийн Соёлын бүсийн болон амралт зугаалгын бүсийн тохижилтын ажлын явцтай танилцлаа.

Сумдын иргэдийн Төлөөлөгчийн хурлаас хяналт тавих чиг үүрэг бүхий ажлуудад хяналт, шинжилгээ, үнэлгээ хийх дүгнэлтийн хуудсыг баталлаа.