Сумын ИТХ-ын 9 дэх удаагийн сонгуулийн үр дүнгээр байгуулагдсан ИТХ-ын Анхдугаар хуралдаан 2024 оны 11 сарын 01 ний өдөр төлөөлөгчдийн 100% -ийн ирцтэйгээр амжилттай болж өндөрлөлөө.
Монгол Улсын засаг захиргаа нутаг дэвсгэрийн нэгж, түүний удирдлагын тухай хуулийн 46 дугаар зүйлийн 46.5-д заасны дагуу Анхдугаар хуралдааныг насаар хамгийн ахмад төлөөлөгч МАН-аас Хатавчийн 4-р багаас сонгогдсон Цэндийн Хүрэлбаатар удирдан явууллаа.
Хуралдаанаар дараах асуудлыг хэлэлцэн шийдвэрлэлээ.
Сумын сонгуулийн хорооны "Төлөөлөгчөөр сонгогдсонд тооцох тухай" тогтоолыг ССХ-ны гишүүн танилцууллаа.Сумын ИТХ-ын төлөөлөгчдийн бүрэн эрхийг хүлээн зөвшөөрөх тухай тогтоолыг баталж Хурлын төлөөлөгчдийн бүрэн эрхийг баталгаажууллаа.Сумын Иргэдийн Төлөөлөгчдийн хурлын даргыг сонгох асуудлын хүрээнд МАН-аас Хатавчийн 4-р багаас сонгогдсон Агваанрэнцэнгийн Отгонбаатарыг нэр дэвшүүлэн төлөөлөгчдийн 78.5% -ийн саналаар дэмжин баталлаа.ИТХ-ын зөвлөлийн гишүүдээр ИТХ-ын дарга А.Отгонбаатар, төлөөлөгч О.Батболд, Г.Ичинноров, Ж.Мөнхбаяр, Э.Энхболд нарыг сонгов.Сумын ИТХ-ын хуралдааны дэгийг хэлэлцэн баталлаа.Сумын Засаг даргад Бяхарсүрэнгийн Мөнх-Учралыг нэр дэвшүүлэн төлөөлөгчдийн 78.5% -ийн саналаар Сумын Засаг даргаар томилуулахаар уламжлав.
