АЙМГИЙН ИРГЭДИЙН ТӨЛӨӨЛӨГЧДИЙН ХУРЛЫН 2024-2028 ОНЫ БҮРЭН ЭРХИЙН ХУГАЦАА
Аймаг, нийслэл, сум, дүүргийн иргэдийн Төлөөлөгчдийн Хурлын 9 дэх удаагийн сонгуулийн дүнгээр байгуулагдсан аймгийн иргэдийн Төлөөлөгчдийн Хурлын анхдугаар хуралдаан 96 хувийн ирцтэйгээр амжилттай зохион байгуулагдлаа. Энэ удаагийн анхдугаар хуралдааныг хуулинд заасны дагуу Төлөөлөгчдөөс насаар хамгийн ахмад Төлөөлөгч Баянмөнхийн Цэрэнмөнх даргалан зохион байгууллаа. Аймгийн иргэдийн Төлөөлөгчдийн Хурлын даргаар Жамбалсүрэнгийн Мөнхчулууныг нийт Төлөөлөгчдийн 70,8 хувийн саналаар сонгож, томилов. Аймгийн Засаг даргаар Дундговь аймгийн МАН-ын дарга Самданнямын Мөнхчулууныг төлөөлөгчдийн 100 хувийн саналаар дэмжиж, Монгол Улсын Ерөнхий сайдад уламжиллаа. Аймгийн ИТХ-ын Зөвлөлийг Төлөөлөгч Ж.Мөнхчулуун, Б.Лхагвамандал, Л.Доржбат, Ц.Хүрэлбаатар, С.Доржпүрэв, Т.Мөнхбаяр. Т.Урангоо нарын 7 Төлөөлөгчийн бүрэлдэхүүнтэй байгууллаа.
