Дундговь аймггийн ИТХ-ын Тэргүүлэгчдийн 6-р хуралдаанаар тус аймгийн Гурвансайхан сумын 9 жилийн сургалттай ЕБС-ийг 12 жилийн сургалттай бүрэн дунд сургууль болгон өөрчлөн байгуулах шийдвэр гаргалаа. Тус тогтоолоор тус сургуулийг хөгжүүлэх төлөвлөгөө боловсруулж хэрэгжүүлэх, мэргэжлийн боловсон хүчин бэлтгэх,давтан сургаж багшлах ур чадварыг нь дээшлүүлэх, сургуулийн дотуур байрны хүчин чадлыг нэмэгдүүлэх, шаардлагатай тоног төхөөрөмж, техник хэрэгслээр хангахыг аймаг, сумын Засаг даргад үүрэг болголоо. Тус сум нь улс, аймгийн жишиг сум болохоор олон бүтээн байгуулалт, шинэчлэлийг хийж байгаа юм.