"Иргэний оролцоо-Хөгжлийн бодлого" олон улсын анхдугаар симпозиум 2015 оны 09 сарын 25-26-ны өдрүүдэд Дундговь аймгийн Мандалговь хотод зохион байгуулагдлаа. Тус арга хэмжээнд МУ-ын ЕТГазар, УИХ, МУ-ын ЗГ, МНУХолбоо, НҮБ-ын хөгжлийн хөтөлбөр, Конрад-Аденауэрын сан, БХБЯам, Дундговь аймгийн ЗДТГ, Сэлэнгэ, Төв, Говьсүмбэр, Сүхбаатар, Дорноговь, Өмнөговь, Дундговь аймгийн ИТХ-ын дарга, Төлөөлөгч, Тэргүүлэгчид, ажлын албаны ажилтнууд болон Дундговь аймгийн сумдын ИТХ-ын дарга, нарийн бичгийн дарга , Засаг дарга нар мөн аймгийн иргэдийн төлөөллүүд зэрэг 170 гаруй хүн оролцлоо.
Симпозиумыг УИХ-ын гишүүн, МНУХолбооны тэргүүн Су.Батболд, аймгийн ИТХ-ын дарга С.Буджав нар удирдан явуулж, илтгэлүүдийг УИХ-ын гишүүн, МНУХолбооны тэргүүн Су.Батболд, БХБЯамны төрийн нарийн бичгийн дарга Р.Эрдэнэбүрэн нар тавьж НҮБ-ын Суурин төлөөлөгч хатагтай Биата Тракман, БНАЛаосАрд Улсаас Монгол улсад суугаа элчин сайд Ватсана Вонгпула, Өмнөговь, Сэлэнгэ, Дорноговь, Говьсүмбэр, Төв, Сүхбаатар аймгийн ИТХ-ын дарга нар, аймгийн иргэдийн төлөөлөл үг хэллээ. Хулд сумын ИТХ-ын дарга С.Сүхдорж Иргэний хөгжлийн төв, иргэний танхим, БИНХ-ын оролцоог нэмэгдүүлэх тухай илтгэл, саналаа хэллээ.
Тус симпозиумаас зочид, төлөөлөгчид, иргэдийн саналыг тусгасан Мандалговийн тунхаглал баримт бичгийг батлан гаргаж баталлаа.
