Дундговь аймгийн ИТХ-ын тэргүүлэгчдийн 2016 оны 17 дугаар
тогтоолоор Өлзийт сумын Соёлын төвийн Ардын жүжигчин Нямын Дагийранз агсны
нэрэмжит болголоо.
Ардын жүжигчин Н.Дагийранз нь 1930 онд Дэл уул хэмээх газар
мэндэлсэн бөгөөд хүүхэд ахуйдаа нутгийн хуурч Д.Сайнбаяраар морин хуур заалган
тоглож сурчээ. Тэрээр 1957-1963 онд Дундговь аймгийн Улаан гэр клуб, соёлын
ордонд жүжигчин, 1963-1991 онд Монгол кино үйлдвэрт жүжигчин, 1991 оноос
Монголын соёл урлагт зүтгэж явсан эгэлгүй жүжигчин авьяастан юм.
Тэрээр Д.Нацагдоржийн “Учиртай гурван толгой” дуулалт
жүжгийн Балган ноён, Ч.Ойдовын “Далан худалч” жүжгийн Бэлэн Сэнгэ зэрэг 30
гаруй жүжгүүдийн гол ба туслах дүрд, Монгол кино үйлдвэрт жүжигчин болсноор уран сайханы 50 гаруй
кинонд оролцож эерэг ба эсрэг олон дүр бүтээжээ.
Мөн кино, жүжгийн дүр бүтээхээс морин хуурч, ерөөлч,
магтаалч, туульч, сайн зураач байсан төдийгүй ОУ-ын Ардын урлагын симфозиумд
төлөөлөгч, Дундговь аймгийн Ардын их хурлын депутатаар сонгогдож, улсын болон
нутаг орон, Монголын тайз дэлгэцийн урлагийг хөгжүүлэх үйлсэд өөрийн хувь
нэмрийг оруулсан нэгэн юм.
Хийсэн бүтээснийг нь төрөөс саашаан 1982 онд Хөдөлмөрийн
хүндэт медаль, 1989 онд МУСТА цол, 1995 онд Хөдөлмөрийн гавьяаны улаан тугийн
одон, 2000 онд Монгол улсын гавьяат жүжигчин, 2013 онд Ардын жүжигчин хэмээх
цолыг хүртсэн байна.