Ардын хувьсгалын 95, Дундговь Аймаг байгуулагдсаны 75 жилийн ойн баярын хурал, хүндэтгэлийн арга хэмжээ болж өнгөрлөө.
Тулгар төрийн 2225, Их Монгол Улс байгуулагдсаны 810 жил, Ардын хувьсгалын 95 жил, Үндэсний баяр наадмыг тохиолдуулан Монгол Улсын Ерөнхийлөгчийн зарлигаар Монгол улсын төрийн дээд одон медалиар Дундговь аймгийн хөгжил цэцэглэлтэнд оруулсан хувь нэмрийг үнэлж, зарим хүмүүсийг шагнасныг Аймаг байгуулагдсаны 75 жилийн ойн баярын хурал, хүндэтгэлийн арга хэмжээний үеэр хүндэтгэлтэйгээр гардууллаа.
Хүний гавьяат эмч цолоор Говь-Угтаал сумын Сум дундын эмнэлгийн ерөнхий эмч Д.Данзансамбуу шагнагдаж, Хөдөлмөрийн гавьяаны улаан тугийн одонгоор 4, Алтан гадас одонгоор 14, Цэргийн гавьяаны одонгоор 2, Хөдөлмөрийн хүндэт медалиар 17, Цэргийн хүндэт медалиар 6 хүн тус тус шагнагдсан байна.
