Говийн бүсийн өрсөлдөх чадварын чуулганыг Дундговь аймгийн Мандалговь хотноо 11 сарын 3-4-ны өдрүүдэд "Нэг говь, Нэг зорилго" уриан дор Дундговь,Дорноговь, Өмнөговь аймгуудын аймаг, сумдын удирдлага, хэлтэс агентлагийн дарга нар болон бизнес эрхлэгчдийн төлөөлөл зэрэг  300 гаруй хүнийг оролцуулан  Эдийн засгийн бодлого, өрсөлдөх чадварын судалгааны төв, МҮХАҮТ, ХБНГУ-ын Конрад Аденауэр сан, Монголын эдийн засгийн чуулган, Монголын бизнесийн зөвлөлтэй хамтран зохион байгууллаа.
Тус чуулга уулзалтаар говийн бүсийн аялал жуулчлал, хариуцлагатай уул уурхай, жижиг дунд үйлдвэрлэл болон нийгмийн баримжаатай эдийн засгийг хөгжүүлэх, хувийн хэвшлийг дэмжих, хөрөнгө оруулалтын чиглэлээр цаашид баримтлах бодлого зэрэг асуудлуудыг хэлэлцлээ.